Боловсруулах үйлдвэрлэл яагаад хөдөлдөггүй вэ?
Асуудал нь татварын хөнгөлөлт биш. Зах зээлийн хэмжээ, логистикийн зардал хоёрыг үл тоомсорлосон бодлого хэрэгжсээр байна.
Б. Батбаяр
Боловсруулах үйлдвэрлэлийг дэмжих хөтөлбөр сүүлийн хорин жилд дор хаяж зургаа удаа батлагдсан. Салбарын ДНБ-д эзлэх хувь энэ хугацаанд бараг өөрчлөгдөөгүй.
Хөтөлбөр болгон татварын хөнгөлөлт, хөнгөлөлттэй зээлийг гол хэрэгсэл болгосон. Гэтэл үйлдвэрлэгчидтэй ярихад тэдний дурддаг эхний хоёр саад нь дотоодын зах зээлийн хэмжээ, тээврийн зардал байдаг.
Гурван сая хүн амтай зах зээлд ихэнх бүтээгдэхүүн эдийн засгийн үр ашигтай хэмжээнд хүрэхгүй. Экспортод гарах шаардлагатай болдог. Экспортод гарахад далайд гарцгүй байдал нэг тонн ачаанд 700-1200 ам.долларын нэмэлт зардал үүсгэдэг.
Эдгээрийг татварын хөнгөлөлтөөр нөхөх боломжгүй. Логистикийн зардал, чанарын гэрчилгээ харилцан хүлээн зөвшөөрөх хэлэлцээр, бүсийн зах зээлд нэвтрэх нөхцөл гэсэн гурван чиглэлд ажиллахгүй бол долоо дахь хөтөлбөр ч мөн адил үр дүнд хүрнэ.
Б. Батбаяр