Финтек компаниуд лицензийн шинэ шатанд

Санхүүгийн зохицуулах хорооны шинэ журмын дагуу төлбөрийн үйлчилгээ үзүүлэгчид тусгай лиценз авах шаардлагатай боллоо.

Одоогоор зургаан компани хүсэлтээ өгсөн бөгөөд гурав нь хяналтын шатанд явж байна. Журам хүчин төгөлдөр болсноос хойш зургаан сарын дотор бүртгүүлэх ёстой.

Жижиг стартапуудын хувьд шаардлага хэт өндөр байна гэсэн шүүмжлэл гарч байна. Дүрмийн сангийн доод хэмжээг нэг тэрбум төгрөг болгосон нь зарим компанийг зах зээлээс шахах эрсдэлтэй.

Зохицуулагчийн зүгээс хэрэглэгчийн хөрөнгийн хамгаалалт нь тэргүүн зорилго гэж тайлбарлаж байна. Сүүлийн жилүүдэд лицензгүй үйл ажиллагаа явуулж байсан хэд хэдэн тохиолдол илэрсэн.