Нэг цонхны цахим үйлчилгээ хэдэн алхмыг хассан бэ?
Иргэний 180 үйлчилгээ цахим болсон ч давхардсан баримт шаардах практик бүрэн арилаагүй байна.
Б. Саруул
Цахим засаглалын нэгдсэн систем нэвтэрснээс хойш нэг жил өнгөрөв. Энэ хугацаанд 180 гаруй үйлчилгээ цахим хэлбэрт шилжсэн гэж яам мэдээллээ.
Хэрэглэгчийн судалгаагаар үйлчилгээ авахад зарцуулах дундаж хугацаа 3.4 өдрөөс 1.1 өдөр болж богиносжээ. Хамгийн их ахиц гарсан нь эрүүл мэнд, нийгмийн даатгалын лавлагаа юм.
Гэвч байгууллага хоорондын мэдээлэл солилцоо бүрэн бус учраас иргэдээс аль хэдийн төрд байгаа баримтыг дахин шаардах тохиолдол үлдсэн. Гомдлын 42 хувь нь энэ ангилалд багтжээ.
Дараагийн үе шатанд бүртгэлийн 14 сан хоорондоо шууд холбогдоно. Хэрэгжвэл давхардсан баримт шаардах үндэслэл техникийн хувьд арилна.
Б. Саруул