Нүүрсний тээвэрлэлтийн саатал хилийн боомтод хуримтлагдав
Хилийн боомтын хүчин чадал экспортын өсөлтөөс хоцорч байгаа нь ачааллыг нэмэгдүүлж байна.
С. Ганболд
Гашуунсухайт боомтоор өдөрт нэвтрэх ачааны машины тоо хязгаарт хүрсэн байна. Экспортлогчид дараалалд хэд хоног хүлээх болжээ.
Төмөр замын шинэ салбар ашиглалтад орох хүртэл нөхцөл байдал үргэлжлэх төлөвтэй. Одоогоор нийт экспортын 60 орчим хувийг авто тээврээр гаргаж байна.
Тээврийн зардал нэмэгдсэн нь борлуулалтын ашигт шууд нөлөөлж байна. Нэг тонн нүүрсний тээврийн зардал жилийн өмнөхөөс 18 хувиар өссөн байна.
Боомтын дэд бүтцийг өргөтгөх төсөл хоёр жил хойшлогдоод байгаа нь шүүмжлэл дагуулж байна.
С. Ганболд