2026 оны мөнгөний бодлого: инфляцыг 5 хувьд тогтворжуулах зорилт

Төрөөс мөнгөний бодлогын талаар 2026 онд баримтлах үндсэн чиглэлийн төслийг УИХ-ын Эдийн засгийн байнгын хороо хэлэлцсэн бөгөөд 2027 оноос эхлэн инфляцыг 5 хувийн орчимд, нэмэх хасах хоёр нэгж хувийн хэлбэлзэлтэй тогтворжуулах зорилт тавигдсан байна.

Зорилтот түвшнийг зарлах нь өөрөө бодлогын хэрэгсэл болдог. Аж ахуйн нэгж, өрхүүд ирээдүйн үнийн өсөлтийн талаарх хүлээлтээ энэ тоонд тулгуурлан бүрдүүлбэл бодит инфляц зорилтод ойртох магадлал нэмэгддэг.

Зорилт биелэх эсэх нь төсвийн бодлоготой хэр уялдахаас ихээхэн шалтгаална. Төсвийн зарлагын өргөжилт мөнгөний бодлогын чангаралтыг сааруулах нь түгээмэл тохиолддог.

Эх сурвалж: parliament.mn